Ad Banner
Ad Banner
Ad Banner
Ad Banner

Përfundon xhiro e 10-të në Ligën e Parë – Feronikeli ’74 lider i ri, garë e madhe për kreun dhe mbijetesën

17:21 | 5 Tetor 2025
D.H

Ka përfunduar xhiro e 10-të në Ligën e Parë të Kosovës me derbin mes Trepçës ’89 dhe Vushtrrisë që është luajtur sot dhe është mbyllur baras 1-1.

Ka qenë një xhiro ku nuk kanë munguar befasitë, teksa Vëllaznimi është ndalur në barazim 2-2 nga Suhareka dhe Liria ka luajtur baras në derbin e qytetit me Prizrenin 0-0.

Trepça është befasuar në shtëpi nga Rilindja 1974 duke pësuar humbje 0-2, ndërsa Ramiz Sadiku është përkujdesur për një rikthim spektakolar duke e mposhtur Dinamon 3-2.

Besa ka luajtur baras 0-0 me Kikën, njësoj siç përfundoi edhe ndeshja mes 2 Korrikut dhe Vjosës. Ndërkohë Feronikeli ka arritur fitore të madhe 3-0 ndaj KEK-ut.

Feronikeli është lider i kampionatit me 23 pikë, derisa Vëllaznimi e ndjek në pozitën e dytë me 21 sosh.

Në pozitën e tretë është befasia Tefik Çanga me 20 pikë, ndërsa Vushtrria është e katërta me 19 sosh.

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm